Viðgerð av persónupplýsingum í Radiobúðini

Leiðreglur fyri viðgerð av persónupplýsingum í Radiobúðini.

Tá tú gert eina avtalu við Radiobúðina góðtekur tú samtundis hesar leiðreglur.

Innihald:

  • 1. Yvirskipað
  • 2. Persónupplýsingar
  • 2.1 Hvørjar persónupplýsingar viðgera vit?
  • 2.2 Hvussu leingi goyma vit persónupplýsingar?
  • 2.3 Hvat nýta vit tínar persónupplýsingar til?
  • 2.4 Viðger av persónupplýsingum í sambandi við starvsetan
  • 2.5 Tíni rættindi
  • 2.6 Broytingar til hesar leiðreglur
  • 3. Samband

1. Yvirskipað

Tá tú gert eina avtalu við Radiobúðina, viðgera vit persónupplýsingar um teg, og henda viðgerð er umfatað av dátuverndarlógini.

Niðanfyri kanst tú lesa um tær persónupplýsingar, sum verða viðgjørdar í Radiobúðini, herundir hvat tær verða nýttar til, og hvønn tú skalt seta teg í samband við, um tú hevur spurningar til viðgerðina av persónupplýsingum í Radiobúðini.

2. Persónupplýsingar

2.1 Hvørjar persónupplýsingar viðgera vit?

Radiobúðin viðger tínar samskiftisupplýsingar, tá tú gert eina avtalu við okkum. Hetta eru fyrst og fremst samskiftisupplýsingar, sum t.d. títt navn, adressa, telefonnummar og teldupostur.

Tær persónupplýsingar, sum vit viðgera, nýtast til at eyðmerkja teg sum kunda og at halda avtaluna við teg, herundir at veita tær tænastur og vørur, sum tú hevur keypt frá okkum.

Radiobúðin viðger sum útgangsstøði ongantíð viðkvæmar upplýsingar um okkara kundar.

Tær persónupplýsingar, sum vit viðgera fyri at halda avtaluna, verða goymdar í okkara KT-skipanum.

2.2 Hvussu leingi goyma vit tínar persónupplýsingar?

Hvussu leingi vit goyma tínar persónupplýsingar avhongur av, hvussu leingi tín avtala við Radiobúðina er galdandi.

Tá tú keypir eina vøru ella tænastu frá Radiobúðini, hava vit tørv á tínum persónupplýsingum sum prógv fyri, at tænastan er goldin og avgreidd, herundir fyri at staðfesta um gjaldsfreistir og avtalaðar treytir verða hildnar.

Upplýsingarnar verða skrásettar í okkara KT-skipanum, og verða sum útgangsstøði goymdar á okkara servara í Føroyum.

Tínar persónupplýsingar verða sum útgangsstøði goymdar í 5 ár frá tí, at roknskaparárið er endað. Hetta gera vit fyri at lúka krøv í roknskaparlóggávu.

Í ávísum førum, t.d. um tú hevur bát, verða upplýsingarnar goymdar longri enn 5 ár. Hetta gera vit fyri betur at kunna veita tær tænasturnar, sum tú hevur tørv á.

Tá persónupplýsingarnar ikki longur eru viðkomandi fyri okkara viðgerð, og vit somuleiðis ikki hava skyldu til at goyma tær sambært lóggávu, verða persónupplýsingarnar um teg strikaðar.

2.3 Hvat nýta vit tínar persónupplýsingar til?

Tær persónupplýsingar, vit viðgera um teg, verða fyrst og fremst nýttar til vanliga kundaumsiting, herundir øll neyðug viðgerð fyri at halda avtaluna við teg, og m.a. at avgreiða gjalding. Heimildin fyri hesa viðgerð er § 8, stk. 1, nr. 2 í dátuverndarlógini.

Vit viðgera somuleiðis tínar persónupplýsingar, um viðgerðin er neyðug fyri at vit kunnu fylgja einum heimilaðum áhugamáli hjá okkum ella einum triðjaparti. Hetta kann t.d. vera, um vit skulu arbeiða uppá eitt tól í einum skipi, fyritøku, ella í líknandi støðum, har tínar persónupplýsingar kunnu verða viðgjørdar fyri at halda eina avtalu við ein triðjapart. Í hesum sambandi viðgera vit einans tínar persónupplýsingar, um okkara áhugamál greitt viga tyngri enn fyrilitini fyri tær. Heimildin fyri hesa viðger er § 8, stk. 1, nr. 6.

Upplýsingarnar verða sum útgangsstøði ikki víðarlatnar til triðjapartar. Upplýsingar kunnu tó latast víðari til okkara samstarvsfelagar, um vit hava brúk fyri teirra hjálp til at halda okkara avtalu við teg.

Í sambandi við KT-menning, hýsing og rakstur kunnu vit velja at víðarilata persónupplýsingar til dátuviðgerar. Vit tryggja, at tíni rættindi eru vard, og at trygdarstigið er nøktandi í sambandi við tílikan flutning av upplýsingum til dátuviðgerar.

2.4 Viðger av persónupplýsingum í sambandi við starvsetan

Um tú søkir starv í Raiobúðini, viðgera vit tínar persónupplýsingar. Tær persónupplýsingar, sum tú letur okkum í sambandi við eina starvsumsókn ella í eini setanartilgongd, verða einans brúktar og goymdar í sambandi við setanartilgongdina og í sambandi við møguliga starvssetan. Upplýsingarnar verða einans gjørdar tøkar fyri starvsfólkum, sum hava tørv á tí í sambandi við setanartilgongdina.

Radiobúðin viðger ikki viðkvæmar persónupplýsingar um starvssøkjandi uttan nágreiniligt samtykki sambært § 12, stk. 1, nr. 1 í dátuverndarlógini.

Vit viðmæla at starvsøkjandi senda hesar upplýsingar til okkum: Navn, adressu, telefonnummar, teldupost, umsókn, lívsrensl (CV), skúla- og útbúgvingarprógv, umframt møgulig tilmæli og tilvísingar.

Viðgerðin av persónupplýsingum í sambandi við eina setanartilgongd er sum útgangsstøði grundað á § 8, stk. 1 nr. 1 (samtykki frá skrásetta) og § 8, stk. 1, nr. 6 í dátuverndarlógini, av tí at viðgerðin fer fram fyri at fylgja einum heimilaðum áhugamáli hjá Radiobúðini um at seta ein passandi persón í starv, ella at goyma upplýsingarnar til eina møgiliga framtíðar setanartilgongd.

Um starvsøkjarin ikki fær bjóðað starvið, verða upplýsingarnar goymdar í 3 ár, og hereftir strikaðar. Tó kunnu persónupplýsingarnar goymast í longri tíð, um umsøkjarin gevur samtykki til tað.

2.5 Tíni rættindi

Sambært dátuverndarlógini hevur tú rættindi í sambandi við okkara viðgerð av tínum persónupplýsingum. Um tú ynskir at nýta tíni rættindi, skalt tú seta teg í samband við okkum (sí samskiftisupplýsingar niðast).

  • Rætturin til innlit (§ 26): Tú hevur rætt til at fáa innlit í tær upplýsingar, sum vit viðgera um teg.
  • Rætturin til rætting (§ 27): Tú hevur rætt til at fáa rangar upplýsingar um teg sjálva/n rættaðar.
  • Rætturin til striking (§ 28): Í summum førum hevur tú rætt til at fáa upplýsingar um teg sjálva/n strikaðar, áðrenn okkara ætlaðu striking.
  • Rætturin til viðgerðaravmarking (§ 29): Í summum førum hevur tú rætt til at fáa viðgerðina av tínum persónupplýsingum avmarkaða. Um tú hevur rætt til at fáa viðgerðina avmarkaða, kunnu vit framyvir í útgangsstøðinum bert goyma persónupplýsingarnar.
  • Rætturin til dátuflutning (§ 31): Tú hevur í summum førum rætt til at fáa tínar persónupplýsingar útflýggjaðar í einum skipaðum, vanligum nýttum og teldutøkum sniði, og at fáa hesar persónupplýsingar fluttar frá einum dátuábyrgdara til ein annan uttan forðing.
  • Rætturin til mótmæli (§ 32): Tú hevur í summum førum rætt til at mótmæla okkara viðgerð av tínum persónupplýsingum. Tú kanst eisini mótmæla okkara viðgerð av tínum persónupplýsingum til beinleiðis marknaðarføring.

2.6 Broytingar til hesar leiðreglur

Vit tilskila okkum rættin til at dagføra og broyta hesar leiðreglur fyri viðgerð av persónupplýsingum. Verða broytingar gjørdar, verður dagfestingin niðast rættað.

3. Samband og kæra

Um tú hevur spurningar til okkara viðgerð av tínum upplýsingum, ert tú altíð vælkomin at seta teg í samband við okkum á radiobud@radiobud.fo ella á +298 44 80 00.

Tú hevur rætt til at kæra til Dátueftirlitið, um tú ert ónøgd/ur við okkara viðgerð av tínum persónupplýsingum. Tú finnur samskiftisupplýsingarnar hjá Dátueftirlitinum á heimasíðuni www.dat.fo.

Vinarliga

Radiobúðin Sp/f

Dagført: 21-08-2021